« En sa personne Charle Veillars, ticier en toille demeurant en ce lieu de Villemanosche, en son lit malade de corps, sain toutefoys / de son entendement, a fait son testament en la forme et / manière qui s'ensuit & premièrement recomande son ame à Dieu / le créateur, à la glorieuse Vierge Marie, à monsieur Saint Pres son / patron & à tout la court céleste de paradis, Item veult / que toute ses debte soyent payés sy aulcune sont, Item / veult que quand il plaira à Dieu de l'appeller de se monde / ysi en l'autre que son corps soit enterré en l'église en la chappelle / Notre Dame & pour ce délaisse à laditte église vingt soubz / tournoiz, Item veult que quand il plaira à Dieu de l'appeller de se / monde yci en l'autre il soit dit & célébré en l'église dudit / lieu pour le remède de son ame troys service, troys haulte / messe & troys basse à chacun service, le premier service se dira / à son obiit, le second à la huitene, le tierse à la quinzene ou / plustost que faire se poura & à chascun service une demy / livre de cire en pointe pour son luminaire, Item délaisse à / l'église dudit lieu sa paroisse sinq soubz tournoiz & à celle de / Chomont deux soubz six deniers, à celle de Champigny idem / & à celle de Pontz sur Yonne idem, Item délaisse à chacun / des queste de ladit église deux soubz tournoiz. A elleu pour son / exécuteur Mathieu Veillars son filz présent, lequel en a pris / & accepté la charge, auquel baille plain pouvoir de prendre, / vendre tous & uns chacuns ces biens tant meuble que / d'immeuble, jusque à fin d'aconplissement dudit testament. / Fait en présence de Guillaume Collin & Sérotin Despontz, / tesmoingt, fait le dixyesme jour de Jullet mil six cens / vingt troys. »